Clams novèus
DICTADA OCCITANA 2025 : Fabiana VAYRETTE-PECHALI A SENT-SAVIN
Fabiana Vayrette que ièra dab nosautis a Sent-Savin entara Dictada Occitana 2025.
Que podom apréner a conseisher-la mes plan ath parat d’un escambi miat per Tresià Pambrun. Sus era tela que poderatz descobrir l’univèrs de Fabiana en seguint eths ligamis qui botam ací devath :
Comandar lo son recuelh de novèlas « E víver !« , sus eths siti de Reclams.
Escotar a Fabiana, intervistada per Domenja Lekuona : En Ondas, setmana 06, sus eth siti « Hadiu« .
Shens papèrs, era video.
Lo gat de Xhoanna, un libe taths mainats en linha.
Los hius invisibles, un libe taths mainats en linha.
Ua leçon de vita, un libe taths mainats en linha.
Era dictada a Sent Savin, per un beròi dissabte de hervèr, qui s’acabè per un bernar de pastèr, coquets e còcas casahèitas.
Dictada occitana 2025
Dissabte 8 de heurèr,
sala dera mairia,
Sent-Savin,
a comptar de 14h30.
Que haram era dictada sus un tèxte extrèit deu recuelh de novèlas « E víver » de Fabiana Vayrette-Pechali.
Coma cada annada era dictada que’s harà “de luenh”. Que prepausam ua trobada per “Zoom”.
Tara dictada de luenh, inscripcion per corric auprès deu Conselh Despartamentau 65
sebastien.pugin@ha-py.fr
abans lo 31 de genèr.
Alavetz, inscrivetz-ve au mes lèu e au mes viste, dab aquera formulacion :
Que m’inscrivi tà la dictada occitana : nom, prenom e adreça electronica.
Fabiana Vayrette-Péchali qu’estè regenta especializada. Abans d’arribar en Gèrs qu’avèva drin d’occitan lengadocian dens l’aurelha. Après las musicas « trads » qui practicava au violon, que basculè cap au cant e qu’avó l’enveja de’s perfeccionar dens l’occitan de Gasconha : comprené’u, parlà’u e escrivé’u. Talhèrs associatius de practica, perfeccionament au CFPOC e au Collègi d’Occitania e un acompanhament a l’escritura literària dab Florian Vernet que l’an transformada en escrivana.
Qu’a escrivut tres àlbums taus mainats, a disposicion en linha : Lo gat de Xhoanna, Los hius invisibles e Ua leçon de vita. Lo son prumèr recuelh de novèlas E víver que pareishó en 2024 a las edicions Reclams. Dens los sons tèxtes, mes lèu fantastics, qu’i pareishen en filigrana los sons engatjaments sus l’arcuelh deus migrants, deus shens-papèrs e la sua ciutadanetat umanista.
Bona ANNADA 2025
